Ümumiyyətlə, bilavasitə fotoqrafiyaya aid layhələr son zamanlar açınacaqlı günlərini yaşayır. Bunlardan çoxları meydana kifayt qədər səs-küylü gəlsə də adətən elə çox müddət keçmədən nəzarətsiz, yarımçıq, fəaliyyətsiz qaldığı göz qabağındadır.
Qrafika. İlk olaraq istifadə etdiyim "Qrafika" portalı. Əvvəlcədən photoshop-az.com, qrafika.az və qrafika.com domenində yerləşən forum əsaslı bir resurs idi. Bu resurs tam olaraq azərbaycan dilində foto, qrafika, videoya aid məlumatlarla bol idi və daha da çoxalırdı. Təkçə mənim 3000 mindən çox şərhim 100 dən artıq məqaləm, və tərcümələrim var idi. İndi bu sayt adı domen üçün ödəniş edilmədiyindən uzun müddətdir bağlıdır. Hətta köhnə məlumatlardan belə yararlanmaq mümkün deyil.
Fotoklub. Bir-neçə vaxt idi ki fotoklub axtarışında olarkən təsadüfən öyrəndim ki adı "Fotoklub" olan bu klub facebook da fəaliyyətinə başlayıb. Onlar tez-tez fotoqrafiya həvəskarlarını bir yerə toplayaraq görüşlər keçirir. Fotoklub ilk olaraq Sərvan Qədirov və Tural Salahovun təşəbbüsü ilə ərsəyə gəlib. Sonradan Fatimə İbrahimova və Kamil Əhmədbəyli idarə heyətinə qoşulublar. Əminliklə demək idtəyirəm ki, Fotoklub kifayət qədər mühüm işlər gördü. Görüşlər, müsabiqələr keçirilirdi, sərgilər təşkil olunurdu. Bir-çox fotoqraflar dost olurdular bildiklərini paylaşırdılar, bilmədiklərini öyrənirdilər. Bir sözlə əsl fotoklub fəaliyyəti göstərirdi. Elə mən də əksər fotoqraf dostlarımı Fotoklubun köməyi ilə tapmışam. Köhnə dostlrala zəngləşirk də, yazışırıq da, amma Fotoklubu bu gün çoxları unudub artıq. Klub uzun müddətdir ki fəaliyyətsizdir.
Artpeople.az. Bu da kifayət qədər səs-küylü layhə idi. Əsasən fotosayt kimi fəaliyyət göstərir. Amma Artpeople ən azömürlü layhələrdən biri oldu. Hətta saytda qar da yağır. Say yenilənmir, facebookdakı səhifəsi isə spamlarla doludur.
No comments:
Post a Comment